自從五月被電視台報導，人氣爆燈，網上商店不勝負荷被迫關閉至今。
今天順路看看，有幸還有數袋賣剩！
以麵包而言，的確是非常高質素，鬆軟，香，好鬼香。
但，不就是麵包囉...
用不著山長水遠來排隊...
就算住附近都未必會常吃，太貴！
2012年6月30日星期六
2012年5月19日星期六
2011年 Tabelog 東京拉麵 第二位 - 門前仲町こうかいぼう(Koukaibou)
こうかいぼう在 Tabelog 2011全年平均得分為 4.00/5，僅次於 4.07分的つけ麺 道 得第二位。至於我最喜愛的風雲兒（一年吃了10+次，平均每次排隊45分鐘），得3.80分排第十，所以真是口味各有喜好，分數只供參考。
十大之中，我還試過第六位 3.81 （有三家第六位）的吉左右。我自己最愛始終是風雲兒，但只限つけ麺（沾麪），因為它的湯真是無敵！題外話：好的つけ麺並不是純粹把拉麵的湯和麪分開，而湯是要更濃，才沾得起來。
こうかいぼう同吉左右無論格局口味都好近似，走「平均型」路線，湯麵叉燒都各自出色又不搶大家風頭，最特別是麪身是非常非常的滑，比風雲兒的更好，我很喜歡。可惜兩家都在門前仲町附近，遠離旅遊區（築地巿場再過三個站），旅客較難有機會品嘗。二擇其一的話我會選擇こうかいぼう，因為店主夫婦都好好笑容好好禮貌，不似得吉左右催你又不讓你玩電話，而且こうかいぼう一碗拉麵只是¥600，つけ麺¥700，比吉左右便宜¥300！
我自己評分：
風雲兒 A
こうかいぼう A-
吉左右 A-
以前常常覺得日本隨便找一家拉麵店都比香港好，這一年發現其實日本差的拉麵店還不少，當中有不少是﹥3.5分的一百大。相反，香港的拉麵店近年越開越多，雖有不少賣廣告賣到天花龍鳳自稱日本正宗（by the way，正宗是不代表好吃的），吃過（還要大排長龍）便覺不知所謂，但實在有一兩家是有實力的。例如:
豚王 B
一風堂 C+
達磨 D
十大之中，我還試過第六位 3.81 （有三家第六位）的吉左右。我自己最愛始終是風雲兒，但只限つけ麺（沾麪），因為它的湯真是無敵！題外話：好的つけ麺並不是純粹把拉麵的湯和麪分開，而湯是要更濃，才沾得起來。
こうかいぼう同吉左右無論格局口味都好近似，走「平均型」路線，湯麵叉燒都各自出色又不搶大家風頭，最特別是麪身是非常非常的滑，比風雲兒的更好，我很喜歡。可惜兩家都在門前仲町附近，遠離旅遊區（築地巿場再過三個站），旅客較難有機會品嘗。二擇其一的話我會選擇こうかいぼう，因為店主夫婦都好好笑容好好禮貌，不似得吉左右催你又不讓你玩電話，而且こうかいぼう一碗拉麵只是¥600，つけ麺¥700，比吉左右便宜¥300！
我自己評分：
風雲兒 A
こうかいぼう A-
吉左右 A-
以前常常覺得日本隨便找一家拉麵店都比香港好，這一年發現其實日本差的拉麵店還不少，當中有不少是﹥3.5分的一百大。相反，香港的拉麵店近年越開越多，雖有不少賣廣告賣到天花龍鳳自稱日本正宗（by the way，正宗是不代表好吃的），吃過（還要大排長龍）便覺不知所謂，但實在有一兩家是有實力的。例如:
豚王 B
一風堂 C+
達磨 D
2012年4月21日星期六
東京米芝蓮二星 ﹣ 鮨かねさか (Kanesaka) @ 銀座
今天週六，小病初癒，想吃好一點的壽司，看一看米芝蓮書，選了這家位於銀座，二星，tabelog 有4.0分的鮨かねさか，貪其有較便宜的午餐選擇。
小店位於銀座步行天國 shiseido 對面的橫街，近新橋汐留，一棟不起眼的大廈的 B1，門面頗寒酸。一進店，更加不得了，非常擠迫！樓底矮，二百多平方呎一個 U 字型壽司 counter 有十六個位，侍應在你身後走過時常碰到你，感覺十分焗促不安！如果這是拉麵店，那還可以，但這是壽司店，是絶對不及格！難道米芝蓮想證明他們不只看格局，也看食物？
午餐分 ¥5000，¥10000，¥15000，我們當然是點最便宜的。論食物，其實這店是好吃的。好吃情度是比我的壽司食堂還好一點，比築地一般的甚至大和還要好。但因為它是米芝蓮，二星，收費也不便宜，令我太有期望，所以我還是有點失望。
¥5000餐有十件壽司一條卷一件蛋一碗湯。見其他食客點其他餐有多一點前菜，如生蠔，也有較高價的壽司，如中拖羅。這裡走傳統路線，首先白身魚然後慢慢味濃最後海鰻作結。相對新派一來先上件拖羅先聲奪人，好壞見仁見智。這𥚃的飯團偏小，飯微暖而且帶有鹹香。每件師傅都已經調好味，不需沾醬油。雖然十件沒有高價貨如拖羅海膽，但我喜歡它們款式多，並非大路貨，而且每件出品尚算用心，材料新鮮，握功平穩。唯一做得不好的只是魷魚。
好吃是頗好吃，可惜，吃壽司是講求格調的。同一件壽司，在日式庭園中和在自己家中吃，是不同的。這裡的環境服務實在是敗筆，糟蹋了本身客觀上頗好吃的壽司。除了以上所說的地方淺窄，師傅本身是一大問題。不是技術的問題，是接客和控制板前的問題。他總是給我很緊張，不知所措的感覺，摸一摸這件魚，又開一開冰箱，他的板前很小，好像放不下這麼多件魚料的樣子。另外，他也不太上心。身旁的人客一開始說不要蛋，我還記得，但師傅最後都忘了。做板前應該從容不迫，揮灑自如，帶動食客的感覺氣氛。這個師傅是完全不及格。唯一好的，是他很努力嘗試用英文說明每一件壽司和擠出一丁點笑容，但這樣都對那整體緊張不安的氣氛無補於事。
總結來說，它好吃，但沒格調，所以不值，不推薦。可能吃晚餐或高價餐會好一點？哈，我沒興趣試。付這價錢，我還是推薦六本木的壽司通。
2012年3月20日星期二
築地兩大長龍之一 ﹣ 大和壽司
http://r.tabelog.com/tokyo/A1313/A131301/13002389/
好耐冇寫，今次寫返上年十一月...
築地兩大長龍 ﹣ 壽司大，大和壽司。
小心，兩大都喺場內市場，喺築地邊邊有間又係叫壽司大，但係唔關事架。我試過，其實唔差架，不過唔係兩大既級數。
呢日晨早六點幾黎到，凍凍地，落住微微雨，壽司大一樣咁長龍。
大和因為有兩個鋪位多D位，又聽聞師傅唔俾影相又趕客，所以容易排好多。
最終都係同壽司大無緣，食左大和。
座位的確非常逼。
食omakase（師傅精選），三千幾四千円（唔記得）其實唔平，其他店已經可以食到唔錯既晚餐。呢度只係早餐！
師傅都幾友善，識少少英文，有野唔食都肯換俾你。
店員就麻麻地，唔俾影相，我要靜靜雞影。
壽司款式唔多，都係大路野，材料係好新鮮，但握功較粗，賣相一般，不過已經係我喺築地試過六七間入面最好啦。
其實築地食壽司唔係一般遊客想像中咁好。
反而築地D熟食，例如八千代，值得一試。
不過如果黎築地真係想食壽司，我都會推介大和既。
一來真係好食過其他（壽司大除外），二來比壽司大易排。
要食靚壽司，東京真係好多，不過就唔係睇旅遊書或者去大商場搵囉。
唔好講到米芝蓮二萬円一餐（雖然我都想試），俾大和貴少少既午餐我會推介六本木壽司通。
食完，你就會明白咩叫做「唔同層次」。
好耐冇寫，今次寫返上年十一月...
築地兩大長龍 ﹣ 壽司大，大和壽司。
小心，兩大都喺場內市場，喺築地邊邊有間又係叫壽司大，但係唔關事架。我試過，其實唔差架，不過唔係兩大既級數。
呢日晨早六點幾黎到，凍凍地，落住微微雨，壽司大一樣咁長龍。
大和因為有兩個鋪位多D位，又聽聞師傅唔俾影相又趕客，所以容易排好多。
最終都係同壽司大無緣，食左大和。
座位的確非常逼。
食omakase（師傅精選），三千幾四千円（唔記得）其實唔平，其他店已經可以食到唔錯既晚餐。呢度只係早餐！
師傅都幾友善，識少少英文，有野唔食都肯換俾你。
店員就麻麻地，唔俾影相，我要靜靜雞影。
壽司款式唔多，都係大路野，材料係好新鮮，但握功較粗，賣相一般，不過已經係我喺築地試過六七間入面最好啦。
其實築地食壽司唔係一般遊客想像中咁好。
反而築地D熟食，例如八千代，值得一試。
不過如果黎築地真係想食壽司，我都會推介大和既。
一來真係好食過其他（壽司大除外），二來比壽司大易排。
要食靚壽司，東京真係好多，不過就唔係睇旅遊書或者去大商場搵囉。
唔好講到米芝蓮二萬円一餐（雖然我都想試），俾大和貴少少既午餐我會推介六本木壽司通。
食完，你就會明白咩叫做「唔同層次」。
2012年2月25日星期六
我最喜愛的壽司店 ﹣ 壽司通
http://www.sushitsu.jp/
上年係東京馬拉松前一日黎，食完去左EXPO登記攞號布行街街。
眨下眼一年！今日又係東京馬拉松前一日！
落一層樓梯，踏入「壽司的世界」...
貌似葛文輝既師傅叫藤永大介，
15歲做學做壽司，2004年到台北發展成為知名壽司店「野壽司」既店長。
（「野壽司」我都食過，雖然當時藤永師傅已經離開，
但水準都略高於香港我第二喜愛既「壽司廣」，值得推薦。）
2009年藤永師傅返日本六本木開自己既壽司店 ﹣ 「壽司通」。
雖然冇星（可能米芝蓮根本冇試過），tabelog 都有3.7x分。
佢有個好受歡迎既1,575円午餐，有燒魚＋刺身。
見到隔離個人食好似好正。
但係我就梗係食壽司啦。
好想食最高級個餐，但係12,000円實在唔捨得。
食返個中價既11件。
一反常規，一黎先上件柯拖羅...
完全喚醒沉睡已久既味蕾。
記返起，原來壽司係可以去到咁既境界！
同「壽司廣」甚至我家樓下既「食堂」係唔同層次。
金目鯛
平目
再黎多件拖羅... 完全俾佢融化左...
墨魚
有件漬罵姑羅影漏左...
蟹
冇紫菜既海膽。人間絕品！！！
比北海道呀魚市場呀都要好食N倍！
梅醬卷
蛋
筷子淨係用黎飲湯，食壽司係用手。
米芝蓮三星 20,000円一餐可能比佢好食。我都想試下。
但暫時，我鐘意呢度既 affordable，
葛民輝既平易近人，
食物＋環境＋服務 都令我心滿意足。
一定會再黎。
2012年1月23日星期一
名古屋風鰻魚飯 ﹣ 備長ひつまぶし
http://r.gnavi.co.jp/p365311/
ひつまぶし (Hitsumabushi) 係名古屋風鰻魚飯，有別於之前提過既關東關西風，但比較接近關西風味，亦係我鍾意既風味。
基本食法係分四碗食（當然可以唔跟，自己有自己食法）：
1．就咁食
2．加藥味（紫菜，蔥，wasabi，etc.）食
3．加湯食
4．Encore 最鍾意既食法
備長既鰻魚做得香脆，有啲似香港人做既燒白鱔。
喺備長我最鍾意 2 。
備長總店喺名古屋，係名店。
東京分店喺銀座 Tokyu Hands 樓上，位置便利，啱哂行完 Tokyu Hands 去食飯。
鰻魚飯要2,980円，有 Hands Card 有 95折，都唔平，但我覺得值得一試。
起碼一定好過所謂(前)米芝蓮既竹葉亭。
2011年11月19日星期六
東京站超人氣拉麵 - 六厘舍
http://www.tokyoeki-1bangai.co.jp/ramenstreet/
又一間排到痴左線既拉麵店，
位於東京站既地下拉麵街。
八間麵店開埋一齊，唯獨呢間最長龍。
趁星期六得閒，緊係去試下啦。
十點幾，落住微雨，好彩由屋企去東京站全程唔駛揼雨。
十一點開門，我十一點去到，已經排到去「一小時等候區」！
期待期待再期待，十二點，終於有得坐。本來係滿心歡喜，點知...
隔離個男人早我三十秒坐低，碗麺食完，我嗰碗都仲未黎！喺等待到火黎既十分鐘，我細心望班店員做野，我就知呢間野 - 唔掂！
六條友（連廚師），serve 26個客，手忙腳亂，冇黎笑容。煮碗麵要十分鐘，唔怪得要排成粒鐘啦！同風雲兒四個人 serve 15個客，悠然自得，談笑用兵，喺你未坐低已經開始煮，冇得比呀。咁既服務，碗麵幾好食都冇用。
講返碗麵，¥850，其實係好食，甚至可能好食過香港所謂第一既豚王，但就係同豚王一樣 - 唔值得排呀！
佢個麵夠粗夠彈，同風雲兒有得揮。湯都夠濃，魚味好香。但作為沾麵（つけ麺），佢最大問題係湯唔夠厚。湯唔夠厚，就沾唔起，而且凍得快，口感差好遠。叉燒肥痩適又夠稔係幾好，但係得小貓兩三塊。最後，我碗湯冇飲哂，因為已經凍冰冰。
十二點半，離開，應該唔會再黎。
風雲兒，依然是皇者。
又一間排到痴左線既拉麵店，
位於東京站既地下拉麵街。
八間麵店開埋一齊，唯獨呢間最長龍。
趁星期六得閒，緊係去試下啦。
十點幾，落住微雨，好彩由屋企去東京站全程唔駛揼雨。
十一點開門，我十一點去到，已經排到去「一小時等候區」！
期待期待再期待，十二點，終於有得坐。本來係滿心歡喜，點知...
隔離個男人早我三十秒坐低，碗麺食完，我嗰碗都仲未黎！喺等待到火黎既十分鐘，我細心望班店員做野，我就知呢間野 - 唔掂！
六條友（連廚師），serve 26個客，手忙腳亂，冇黎笑容。煮碗麵要十分鐘，唔怪得要排成粒鐘啦！同風雲兒四個人 serve 15個客，悠然自得，談笑用兵，喺你未坐低已經開始煮，冇得比呀。咁既服務，碗麵幾好食都冇用。
講返碗麵，¥850，其實係好食，甚至可能好食過香港所謂第一既豚王，但就係同豚王一樣 - 唔值得排呀！
佢個麵夠粗夠彈，同風雲兒有得揮。湯都夠濃，魚味好香。但作為沾麵（つけ麺），佢最大問題係湯唔夠厚。湯唔夠厚，就沾唔起，而且凍得快，口感差好遠。叉燒肥痩適又夠稔係幾好，但係得小貓兩三塊。最後，我碗湯冇飲哂，因為已經凍冰冰。
十二點半，離開，應該唔會再黎。
風雲兒，依然是皇者。
訂閱：
文章 (Atom)