Jackpot 喺東京有好多分店，今次食間近屋企既。
佢款式都算多，日本既都差唔多十款，不過外國既就得美國澳洲愛爾蘭。
熟食生食都幾好，最好食（竟然）係個意粉。
不過就偏貴啦，唔係咁值，不過要喺東京食蠔又真係冇乜選擇。
好懷念香港既 Casa Fina, 即叫即開即食既 Citysuper。
好懷念札幌既「開」。
2011年10月19日星期三
2011年9月6日星期二
2011年8月29日星期一
築地non壽司神店 - 高はし(Takahashi)
築地除左壽司，其實仲有好多好野食。
今次試高はし - 俾好多台灣blog吹捧既神店，堪稱築地non壽司既冧巴溫。
星期六十二點幾，行過場內市場6號街，壽司大同大和例牌排長龍。行過兩條街去到8號街就係高はし啦。隔離兩間魚生飯好長龍，高はし等五分鐘就有得食。
成間鋪得十個吧檯位左右，雖然逼夾但好乾淨企理又有濕紙巾任攞。佢有刺身，煮魚，燒魚。我地叫左出名既海鰻飯（係anago, 唔係鰻魚 unagi)同刺身定食。
先上前菜，普普通通。不過聽聞熟客既前菜會好正。海鰻飯好得，夠香，夠淋，入味，飯汁比例適中，一啲骨都冇，爬爬爬好快就KO一碗。刺身得鮪，鰤同埋帆立貝，新鮮厚肉但份量少。最失敗係碗飯，係冇醋白飯，同刺身好唔夾，最後冇食哂。埋單¥2400，築地黎講係好平。
總結：普通好味，絕非神級（可能因為我唔係熟客又冇叫佢啲神作啦），算平。因為近屋企又唔駛久等，會再幫襯。如果係遊客就算罷啦，除非鍾意平民風味，否則唔駛特登黎築地食佢。
推薦：海鰻飯(あなご丼, anago don)
今次試高はし - 俾好多台灣blog吹捧既神店，堪稱築地non壽司既冧巴溫。
星期六十二點幾，行過場內市場6號街，壽司大同大和例牌排長龍。行過兩條街去到8號街就係高はし啦。隔離兩間魚生飯好長龍，高はし等五分鐘就有得食。
成間鋪得十個吧檯位左右，雖然逼夾但好乾淨企理又有濕紙巾任攞。佢有刺身，煮魚，燒魚。我地叫左出名既海鰻飯（係anago, 唔係鰻魚 unagi)同刺身定食。
先上前菜，普普通通。不過聽聞熟客既前菜會好正。海鰻飯好得，夠香，夠淋，入味，飯汁比例適中，一啲骨都冇，爬爬爬好快就KO一碗。刺身得鮪，鰤同埋帆立貝，新鮮厚肉但份量少。最失敗係碗飯，係冇醋白飯，同刺身好唔夾，最後冇食哂。埋單¥2400，築地黎講係好平。
總結：普通好味，絕非神級（可能因為我唔係熟客又冇叫佢啲神作啦），算平。因為近屋企又唔駛久等，會再幫襯。如果係遊客就算罷啦，除非鍾意平民風味，否則唔駛特登黎築地食佢。
推薦：海鰻飯(あなご丼, anago don)
2011年8月14日星期日
築地食堂 @ 晚上的築地
以前聽人講，去築地唔好揀星期日或者平日午後，因為會「冇野食」。Well, 當然壽司大呀大和呀係冇得食啦，但係如果你要求唔係好高，場外市場依然有好多選擇。有一個星期日去到，間間長龍；上星期五晚去到，燈火通明。點會「冇野食」？
嗰晚，撞左入「築地食堂」。唔係壽司店，係平民魚料理店。我地叫左金目鯛煮定食同埋刺身定食，分別¥1000 同¥1500。
金目鯛，無論材料烹調都比我喺熱海食既差得多。但係一半價錢，想點？
刺身，唔錯，有五款，有拖羅，好新鮮。
好平既晚餐，質素普通既晚餐。
以前做遊客成日黎築地，但隨住匯率攀升，香港高級壽司店水準越黎越高，喺HKD500樓下一餐既range，我覺得築地既性價比已經落後於香港。而家住築地附近，反而會想食香港既今村、壽司廣、Nobu...
然而，HKD500樓上一餐既，我覺得日本仍然贏香港。但已經唔係講緊築地。
嗰晚，撞左入「築地食堂」。唔係壽司店，係平民魚料理店。我地叫左金目鯛煮定食同埋刺身定食，分別¥1000 同¥1500。
金目鯛，無論材料烹調都比我喺熱海食既差得多。但係一半價錢，想點？
刺身，唔錯，有五款，有拖羅，好新鮮。
好平既晚餐，質素普通既晚餐。
以前做遊客成日黎築地，但隨住匯率攀升，香港高級壽司店水準越黎越高，喺HKD500樓下一餐既range，我覺得築地既性價比已經落後於香港。而家住築地附近，反而會想食香港既今村、壽司廣、Nobu...
然而，HKD500樓上一餐既，我覺得日本仍然贏香港。但已經唔係講緊築地。
訂閱：
文章 (Atom)