銀座的平民串燒 - 武ちゃん (chan)

http://s.tabelog.com/smartphone/restaurant_detail/top/?rcd=13007710

繁華商店背後的平民小店。
十串course ¥2,200，平價之選。
質素一般，服務一般，座位狹窄。
優點是平。
缺點是上得太快，冷掉便不美味。

未必會再幫襯，因為寧願食月島既「兔屋」。

築地八千代 - 炸帆立貝、穴子、車海老

就在壽司大隔離。
大排檔的風味。暢快！

車海老普普通通，但推薦帆立貝和穴子。
會再黎！

終於找到「我的壽司食堂」！

上月一行八人訂位食過一次，坐table，覺得ok，質素高，價錢合理。

今次兩個人再去食，冇訂位，坐counter，個師傅竟然認得我，仲噏得出我個名！

我地叫左十件set，有D掛住食唔記得左影相 =P

據聞這店的師傅出自壽司大。

小林師傅仲識得講少少廣東話添。

最重要係，我屋企行去只係五分鐘 =D

黎東京旅行搵我，我帶你去食～

築地non壽司神店 - 高はし(Takahashi)

築地除左壽司，其實仲有好多好野食。

今次試高はし - 俾好多台灣blog吹捧既神店，堪稱築地non壽司既冧巴溫。

星期六十二點幾，行過場內市場6號街，壽司大同大和例牌排長龍。行過兩條街去到8號街就係高はし啦。隔離兩間魚生飯好長龍，高はし等五分鐘就有得食。

成間鋪得十個吧檯位左右，雖然逼夾但好乾淨企理又有濕紙巾任攞。佢有刺身，煮魚，燒魚。我地叫左出名既海鰻飯（係anago, 唔係鰻魚 unagi)同刺身定食。

先上前菜，普普通通。不過聽聞熟客既前菜會好正。海鰻飯好得，夠香，夠淋，入味，飯汁比例適中，一啲骨都冇，爬爬爬好快就KO一碗。刺身得鮪，鰤同埋帆立貝，新鮮厚肉但份量少。最失敗係碗飯，係冇醋白飯，同刺身好唔夾，最後冇食哂。埋單¥2400，築地黎講係好平。

總結：普通好味，絕非神級（可能因為我唔係熟客又冇叫佢啲神作啦），算平。因為近屋企又唔駛久等，會再幫襯。如果係遊客就算罷啦，除非鍾意平民風味，否則唔駛特登黎築地食佢。

推薦：海鰻飯(あなご丼, anago don)

三星期食左五次既晚餐

松屋蕃茄漢堡套餐。
¥580 有飯有餸有菜有湯又快又好味又飽肚。

築地食堂 @ 晚上的築地

以前聽人講，去築地唔好揀星期日或者平日午後，因為會「冇野食」。Well, 當然壽司大呀大和呀係冇得食啦，但係如果你要求唔係好高，場外市場依然有好多選擇。有一個星期日去到，間間長龍；上星期五晚去到，燈火通明。點會「冇野食」？

嗰晚，撞左入「築地食堂」。唔係壽司店，係平民魚料理店。我地叫左金目鯛煮定食同埋刺身定食，分別¥1000 同¥1500。

金目鯛，無論材料烹調都比我喺熱海食既差得多。但係一半價錢，想點？

刺身，唔錯，有五款，有拖羅，好新鮮。

好平既晚餐，質素普通既晚餐。

以前做遊客成日黎築地，但隨住匯率攀升，香港高級壽司店水準越黎越高，喺HKD500樓下一餐既range，我覺得築地既性價比已經落後於香港。而家住築地附近，反而會想食香港既今村、壽司廣、Nobu...

然而，HKD500樓上一餐既，我覺得日本仍然贏香港。但已經唔係講緊築地。

名古屋味噌豬扒 - 矢場 @ 東銀座

http://r.tabelog.com/tokyo/A1301/A130101/13002380/

這是名古屋名物：味噌豬扒。
跟餐還有味噌湯和味噌汁菜。

結論：有幾鍾意味噌就有幾鍾意呢度。
味噌迷（像我）要試一試！

銀座的銀座梅林

www.ginzabairin.com/

香港的銀座梅林是我香港的炸豬扒首選。今次試銀座的梅林。

本店位於銀座購物大道松阪屋斜對面。星期五晚，等幾分鐘就有位。入內看一看格局，嚇了一跳 - 比香港的低級很多，是平民食店。

兩人坐吧台，點了「特別豬扒蓋飯」和「特製豬扒蓋飯」，分別是¥1800和¥2000。兩款分別不大，特別較肥，特製較有肉味，特別的蛋自己撈，特製的蛋已撈好。肉不太肥卻一點不韌，每啖都輕易咬開而且充滿肉汁肉味。價錢是跟香港差不多，若匯率回落至四五年前水平，甚至比香港便宜。通常相若質素的食物，日本比香港大約貴一半至一倍。這裏的豬扒飯，可跟香港是九成半相似。所以這裏可以說是超值！

比起香港，銀座的梅林除了裝修普通，連服務都很普通，服務員的反應都超慢。這就是超值的代價。香港的梅林在香港可能算貴，但我印象中它的服務員很好。相若價錢相若食物質素，我當然喜歡服務裝修較好的香港店啦。

上次食完花月嵐
覺得台北的好吃十倍。估唔到梅林也是香港的好。究竟哪家食店是日本本店較國外分店好呢？

智能點餐系統 @ 居酒屋

http://www.tsukino-shizuku.com/

這集團的餐廳都有「智能點餐系統」。這次吃的是新宿的「月之雫」。

六人晚飯，在小小的房間，有一個像超低級ipad的點餐器。在上面篤篤篤，就可以點餐，check單，連埋單每人夾幾錢佢都幫你計埋，非常方便！有部份menu仲有中英文添！

食物方面是普普通通啦，不過就唔係好貴，一班friend喺新宿盪來盪去唔知食咩時，求其捐入一間居洒屋飲野吹水篤篤下都唔錯架。

推介食物：pizza