香港既所謂靚burger, 一般以材料掛帥，大大件靚牛=靚burger。非連鎖店黎講我鍾意burgeroom就係因為佢唔只有靚牛，佢仲花心思落飲品，薯條... 然而，無論burgeroom或triple-O, 雖然我食既時候好滿足，但往往食完都會覺得「唔得，好飽，食左好多肉，一個星期唔食牛！」
我喜歡佐世保既小店舒適感，輕鬆既音樂，員工親切既笑容，超級新鮮既沙律菜配微酸醒胃既醬汁... 主角漢堡包既材料新鮮不在話下，百分百國產牛唔駛講，最重要係佢既尺寸 - 唔係高大得要血盤大口先咬到一角，亦唔係好似mini burger咁唔夠攝牙罅，而係適合東方人既size, 令你可以一啖食到包，肉，菜，蛋，汁，令你食完一啖滿足得黎唔會成面成手都係而個包已經五馬分屍。好似壽司一樣，所有材料既形狀比例都要配合，先可以喺嘴嚼時產生最大既化學作用。佐世保絕對係我食過既漢堡包之中，最「為人著想」既一個！食完既感覺係「正，今晚可以食多次！」
原文：甘•日•食乜 http://fatgum.blogspot.com
沒有留言:
發佈留言