星期日晚同老婆踩住新車去附近既月島搵食，只係五分鐘車程。
[題外話：下午踩去台場都只係廿分鐘左右，同搭火車差唔多，又慳返幾百yen]
黎到月島就梗係要試佢既名物もんじゃ(Monja)啦。呢度有條叫西仲通既食街，九成都係食Monja架。
咁Monja係乜？其實佢係大阪燒(お好み焼き, Okonomiyaki)既關東改版。由關西傳到關東，經過多年改變，現時唔同地方，如群馬、埼玉，都已經有自己風格既Monja。今晚食既同大阪燒既主要分別係冇蛋同埋多好多好多菜。餡料基本上係乜都得，普通既有牛，豬，蝦，明太子，特別啲既有童星點心麵... 因為冇蛋，所以Monja係煎唔到一個餅形，而係一pat pat咁。
由於自己郁手煎，所以都幾好玩，而且喺唔同餐廳食我諗味道都大同小異。不過可能我唔識整啦，我都係鍾意食大阪燒多啲。Monja, 玩一次夠囉 =p
沒有留言:
發佈留言