綠茶甜品 ＠ 中村藤吉 宇治 本店

http://www.tokichi.jp/

綠茶，最出名緊係宇治（京都付近）啦。
而宇治，最出名既綠茶甜品店就係中村藤吉。

平等院係宇治最出名既景點，庭園建築都好靚，一萬円紙幣上隻鳳凰就係喺平等院個屋頂。
由宇治車站行去平等院，一定會經過商店街，而經過商店街，就一定會經過中村藤吉。

中村藤吉本店係文化遺產，樓底高，好有懷舊風味。
上面第一幅圖片只供參考，因為實際個份量好大！
下層仲有一球雪糕，好多好多白玉，好多好多啫喱，
雖然好好食，都食唔哂！

去京都，如果有時間，推薦你去一去宇治，唔錯架 ^_^