牛有好多唔同食法：
煎，串燒，日燒，韓燒，鐵板燒，打邊爐，刺身......
你最鍾意點食？
人大左，食野多左，口味都會變。
以前鍾意食鐵板燒，印象中食過最好既係神戶牛。
而家，最鍾意既係 Sukiyaki。
Sukiyaki 都有分關東關西風。
東京食到既多數係關東風，例如好出名既今半啦。
今次食既係關西風名店 ﹣ 京都三嶋亭。
晚飯要二萬円以上，我梗係唔捨得食啦（其實食過神戶米澤山形飛驒等等等等，就會覺得牛都有 decreasing marginal return。一萬円以上既牛，其實都唔係好分得到...）
今次食既係特價午餐，都要四千幾円。
關東關西分別在於關東風係先落汁，後落肉，有啲似香港打邊爐，不過汁係薄薄一層，唔會好似香港成煲湯咁。
至於關西風，係先落糖，乾煎牛肉，再加醬汁，汁既用量比關東風少。
我就鍾意食關西風多啲。
食完三嶋亭，真係念念不忘...
唔知東京邊度有關西風 Sukiyaki 食呢...
沒有留言:
發佈留言