築地除左壽司，其實仲有好多好野食。
今次試高はし - 俾好多台灣blog吹捧既神店，堪稱築地non壽司既冧巴溫。
星期六十二點幾，行過場內市場6號街，壽司大同大和例牌排長龍。行過兩條街去到8號街就係高はし啦。隔離兩間魚生飯好長龍，高はし等五分鐘就有得食。
成間鋪得十個吧檯位左右，雖然逼夾但好乾淨企理又有濕紙巾任攞。佢有刺身，煮魚，燒魚。我地叫左出名既海鰻飯（係anago, 唔係鰻魚 unagi)同刺身定食。
先上前菜，普普通通。不過聽聞熟客既前菜會好正。海鰻飯好得，夠香，夠淋，入味，飯汁比例適中，一啲骨都冇，爬爬爬好快就KO一碗。刺身得鮪，鰤同埋帆立貝，新鮮厚肉但份量少。最失敗係碗飯，係冇醋白飯，同刺身好唔夾，最後冇食哂。埋單¥2400，築地黎講係好平。
總結：普通好味，絕非神級（可能因為我唔係熟客又冇叫佢啲神作啦），算平。因為近屋企又唔駛久等，會再幫襯。如果係遊客就算罷啦，除非鍾意平民風味，否則唔駛特登黎築地食佢。
推薦：海鰻飯(あなご丼, anago don)
今次試高はし - 俾好多台灣blog吹捧既神店，堪稱築地non壽司既冧巴溫。
星期六十二點幾，行過場內市場6號街，壽司大同大和例牌排長龍。行過兩條街去到8號街就係高はし啦。隔離兩間魚生飯好長龍，高はし等五分鐘就有得食。
成間鋪得十個吧檯位左右，雖然逼夾但好乾淨企理又有濕紙巾任攞。佢有刺身，煮魚，燒魚。我地叫左出名既海鰻飯（係anago, 唔係鰻魚 unagi)同刺身定食。
先上前菜，普普通通。不過聽聞熟客既前菜會好正。海鰻飯好得，夠香，夠淋，入味，飯汁比例適中，一啲骨都冇，爬爬爬好快就KO一碗。刺身得鮪，鰤同埋帆立貝，新鮮厚肉但份量少。最失敗係碗飯，係冇醋白飯，同刺身好唔夾，最後冇食哂。埋單¥2400，築地黎講係好平。
總結：普通好味，絕非神級（可能因為我唔係熟客又冇叫佢啲神作啦），算平。因為近屋企又唔駛久等，會再幫襯。如果係遊客就算罷啦，除非鍾意平民風味，否則唔駛特登黎築地食佢。
推薦：海鰻飯(あなご丼, anago don)
