奈良美食 4 ﹣ 釜飯

志津香 ﹣ 喺奈良公園附近，都幾出名既釜飯店。
大部份都係遊客（包括日本人），玩完鹿就走黎晚飯。

我地醒目六點前就黎，緊緊唔駁排隊。
食完大約七點，嘩，排到返東京。

招牌菜係「七餸釜飯」，佢又話係奈良傳統啦。
佢既賣點係即叫即煮，所以都等幾耐下。
其實同香港既煲仔飯差唔多，佢餐牌有教你食飯焦，仲有英文添。

我地叫左一個七餸，一個鰻魚。
七餸分別係：蝦，蟹，雞，鰻魚，菇，紅蘿蔔同青豆。
最後兩樣好似好昆水...

至於味道呢？
嗯... 實在食唔出「釜」既味道...
又唔係難食，不過冇乜特別囉。

我都係覺得香港煲仔飯好食D...