札幌白樺山莊@台場

星期日，踩單車去台場。
無意中睇到個馬騮表演，跟住星期一就見到隻馬騮上smap!

晏晝喺對住彩虹橋既starbucks hea，
夜晚食「台場拉麵祭」。

比起札幌個拉麵共和國，呢度都幾hea。
裝修求其，好多簡體中文字，冷冷清清。

食白樺山莊，當然冇札幌咁好味啦，不過都唔錯，叫做過下癮啦。我鍾意佢個味噌湯底係北海道系，偏甜，唔似東京系咁偏辣。叉燒好淋，三塊疊埋都可以一夾就散，而且有我鍾意既「新鮮豬味」。麵係鬈粗麵，似即食麵，唔夠咬口，我比較鍾意幼直硬身麵。

最後食左個京都豆腐雪糕，好香好滑，同埋佢倒轉都唔跌架！