http://www.sushitsu.jp/
上年係東京馬拉松前一日黎，食完去左EXPO登記攞號布行街街。
眨下眼一年！今日又係東京馬拉松前一日！
落一層樓梯，踏入「壽司的世界」...
貌似葛文輝既師傅叫藤永大介，
15歲做學做壽司，2004年到台北發展成為知名壽司店「野壽司」既店長。
（「野壽司」我都食過，雖然當時藤永師傅已經離開，
但水準都略高於香港我第二喜愛既「壽司廣」，值得推薦。）
2009年藤永師傅返日本六本木開自己既壽司店 ﹣ 「壽司通」。
雖然冇星（可能米芝蓮根本冇試過），tabelog 都有3.7x分。
佢有個好受歡迎既1,575円午餐，有燒魚＋刺身。
見到隔離個人食好似好正。
但係我就梗係食壽司啦。
好想食最高級個餐，但係12,000円實在唔捨得。
食返個中價既11件。
一反常規，一黎先上件柯拖羅...
完全喚醒沉睡已久既味蕾。
記返起，原來壽司係可以去到咁既境界！
同「壽司廣」甚至我家樓下既「食堂」係唔同層次。
金目鯛
平目
再黎多件拖羅... 完全俾佢融化左...
墨魚
有件漬罵姑羅影漏左...
蟹
冇紫菜既海膽。人間絕品！！！
比北海道呀魚市場呀都要好食N倍！
梅醬卷
蛋
筷子淨係用黎飲湯，食壽司係用手。
米芝蓮三星 20,000円一餐可能比佢好食。我都想試下。
但暫時，我鐘意呢度既 affordable，
葛民輝既平易近人，
食物＋環境＋服務 都令我心滿意足。
一定會再黎。
