http://www.kagetsu.co.jp/index.html
喺新宿食左碗失望既拉麵，令我今次想講一講台北。呢個第一唔係openice、 tabelog 或者 ipeen，係我話既。今年年頭喺台北工幹一個月，我食左七次阪急花月嵐！信我，如果你住香港又想食碗日本級數既拉麵，唔駛咁遠飛黎東京咁遠，甚至福岡都唔駛，近近地飛台北就得啦！
題外話：有冇人可以話我知香港新開的一風堂如何？
花月嵐來自日本，得過啲唔知咩拉麵獎，數年前傳入台北，有頗多分店。有朋友話食過其他分店麻麻地，証明同一集團不同分店都有高低之分，唔同麥記呀。我食嗰間喺巿政府站，阪急百貨B1，隔黎係鼎鼎大名無論日夜都長龍既台北第一炸豬扒杏子。信我，呢間無論湯、麵、肉、蛋都絕對係日本級數，係我喺日本以外食過最好既拉麵，甚至比日本一啲次一級拉麵店還要好，亦好過香港既豚王。我食左七次，日食過，夜食過，唔同味唔同配菜都食過，真係正。
可惜，我啱啱食左新宿既花月嵐 - 非•常•失•望！好難食。你知唔知，其實要喺日本搵間難食既拉麵都唔易架，我搵到！
http://www.tsukino-shizuku.com/
這集團的餐廳都有「智能點餐系統」。這次吃的是新宿的「月之雫」。
六人晚飯，在小小的房間，有一個像超低級ipad的點餐器。在上面篤篤篤，就可以點餐，check單，連埋單每人夾幾錢佢都幫你計埋，非常方便！有部份menu仲有中英文添！
食物方面是普普通通啦，不過就唔係好貴，一班friend喺新宿盪來盪去唔知食咩時，求其捐入一間居洒屋飲野吹水篤篤下都唔錯架。
推介食物：pizza
www.shidax.co.jp/sc
第一次去見識日本唱K！
其實硬件上同香港是差不多一樣的。最大分別是這裏的「點歌器」是無線的touch screen裝置，像超低級ipad，而且六個人細房都有兩個點歌器，不用爭。
最奇怪是這裏點了的歌是不能動的，不能隨機也不能插歌（新點的除外），所以大家點歌要好有秩序，否則同一個人會連唱多首！另外，每首唱完（停唱亦然）佢都會話你知你用左幾多卡路里。
這裏也有中文歌韓文歌，當然不太齊全不太新，但以陳奕迅為例有陀飛輪，我覺得算唔錯啦。只不過這些MV都是「翻版」的，是沒有原唱歌手的！就像九十年代的飛圖和現在在香港唱的舊英文歌，MV中只有一兩件茂李行行企企撥下頭髮散下步，完全唔啦耕...
縱然是日文歌，都唔一定有原裝MV。唱左兩粒鐘，只有平井堅最新的仁2主題曲有喳！
每人另加一杯飲品，埋單每人¥1200。
http://r.tabelog.com/tokyo/A1304/A130401/13011096/
第二次喺東京飲茶。感覺同上次惠比壽既差唔多，都好好味，好港式。而且呢度仲平仲就腳。埋單每人¥1200。據稱呢度師傅係香港人（見最下圖）。坐後面嗰枱都係講廣東話。
最好笑係呢度跟餐有白飯，飲茶食白飯（唔係配燒味）都真係第一次！
雖然東電早已暫停停電計劃，但電力供應還是緊張。入夏以來琦玉錄得39度，東京都錄得35度。很多人說辦公室氣溫設定為30度，熱到暈低。冇計，炎夏才剛開始，電力用量已不時超過九成。大家慳啲，總好過停電呀。
慶幸，我公司設定溫度為26度，同香港差唔多。加上，座位不遠處有把風扇吹正，所以還過得去，大家不用擔心。
然而，下午五時冷氣就關掉，到七時左右氣溫就攀升到上圖溫度。有員工因此而早啲（例如七時）返工，然後早啲放工，公司都鼓勵。
另外，七月開始，可以日日著polo shirt，哈哈！
http://r.tabelog.com/tokyo/A1313/A131302/13002239/
日本雖然美食遍地，但總不能每晚出街食，腸胃受到，荷包都受唔到。現在平均每星期煮兩三晚飯，但今晚懶得煮，上tabelog睇有咩好食，發現月島排第一係一間居酒屋，有4.16分，叫岸田屋。
放工後先回家，從家步行，只五分鐘左右。小店位於前文（談月島Monja）提過的西仲通。整條街長幾百米，大部份係食肆，就只得這岸田屋要排隊。晚上八時多，排半粒鐘先有得食。
這店很小，得十多個位，坐得很逼；也很舊，不知是真的很舊還是故意裝修成這樣，木造的牆壁天花都貼滿很舊的報紙、海報、就像日劇看到的，好有feel。
食物選擇不多，主要有燒魚，刺身，牛肉，蔬菜，全都細細碟。其實人客都不志在食，主要還是飲飲酒，吹吹水。
食物其實幾好，只係我覺得唔值4.16分，同埋排半粒鐘囉。
推薦：牛肉豆腐 (にくとうふ) (Nikutoufu)
